ANIVERSARIOS DO 2º TRIMESTRE

  

TÍTERES NA ESCOLA

O mércores 5 de abril recibimos a visita dun grupo de alumnos do CEIP. Gregorio Sanz de Ribadeo. Eles, xunto coa súa mestra "Tere", presentáronnos "A Berenguela" con Títeres e dous pequenos contos empregando o teatriño Kamishibai.

INNOVANDO NO COMEDOR

Este mes, no comedor,  os rapaces probaron novos pratos: lasaña, melón con xamón, arroz caldoso. Tiveron moi boa acollida.
Aí deixámosvos unhas fotos.

O DÍA DO AUTISMO

Onte,  o domingo día 2 de abril, celebrouse o día mundial da concienciación sobre o autismo.

Con tal motivo, e co fin de sensibilizar ó alumnado do CEIP. Celso Currás de Trabada ante as características do autismo, preparamos unha xornada escolar para o venres 31 de marzo, na que os pictogramas guiarían ó alumnado nas súas actividades diarias, co propósito de que vivenciasen o día a día do alumnado con transtorno do espectro autista.

Confeccionáronse unhas axendas por aula baseadas no horario de aula para o venres, feitas con pictogramas (debuxos que representan as palabras).

Os alumnos tiveron que consultar estas axendas cada vez que ía haber un cambio de actividade, nese momento, a maiores de ler os pictogramas da actividade que tocaba, retiraban os pictogramas das actividades rematadas.

                                                                                            

DÍA DA ÁRBORE

Hoxe celebramos o Día da árbore dentro da VI Semana Escolar da Árbore e da Auga da Deputación de Lugo adicada este ano aos ameneiros.
Os rapaces realizaron varias actividades tomando como punto de partida os libros editados pola Deputación: Eva, o trasno e o ameneiro e Salven os ameneiros!

Ademais os rapaces de Ed. Infantil plantaron un Pé de ameneiro acompañados pola nosa alcaldesa.