SEMANA DA PRENSA ESCOLAR

Estamos a celebrar a  Semana da Prensa na Escola e con ela puxemos en marcha o noso pequeno Quiosco. 

Os nenos e nenas poden disfrutar dos xornais e revistas da nosa terra así como daqueles máis internacionais, para enterarse tamén do que pasa no resto do mundo. 

Recordemos o papel fundamental que xogan os medios de comunicación no día a día, e a importancia de ser bos críticos ante a información que recibimos, pois non todo é sempre como no lo contan. 

Os nenos e nenas tamén están a traballar un pouquiño na prensa dixital, tan importante como a de papel  ou máis hoxe en día, así como a coñecer as diferentes canles polas que nos chegan as novas ( telexornais, radios, redes sociais, xornais, artigos de revistas... ) 

Sempre é un bo momento para adicarlle un anaco do día a ler ou escoitar as novidades actuais cos vosos pequen@s. 

O QUIOSCO DO CURRÁS

ALGÚNS DOS XORNAIS DISPOÑIBLES

 

DÍA DE ROSALÍA DE CASTRO

O pasado 24 Febreiro celebrouse o día de Rosalía de Castro. Para celebrar o aniversario da famosísima escritora galega , no colexio abrimos a fiestra ás súas obras. Velaquí o resultado da caricatura-collage colectiva que fixeron @s alumn@s e unha mostra dalgunhas das súas obras!#abrideafiestra#abrindoafiestraaRosalianoCelsoCurrás

NEGRA SOMBRA.Canción

INFORMACIÓN PARA A MATRÍCULA

HOXE  1 de marzo ábrese o prazo de matrícula para novo alumnado. Dende o CEIP CELSO CURRÁS animámosvos a matricular aos vosos nen@s en TRABADA. 

Aquí vos deixamos información de utilidade sobre o colexio, razóns para elexilo! 

PRAZO MATRÍCULA : 1-20 marzo

Para máis información contactar co centro: 

982870856

ceip.celso.curras@edu.xunta.es

Agardámosvos!

EXCURSIÓN A CEDEIRA

O pasado venres acercámonos ata Cedeira para coñecer un pouco máis a vida mariñeira deste pobo. Grazas ao programa o Sabor da Aventura está no mar, coñecimos o funcionamento da lonxa, visitamos o porto e o Museo do mar. 

                   

Alí aprendimos a cerca das diferentes técnicas de pesca, falamos cos mariñeiros, ensináronnos o sistema da subasta de peixe, vimos como se almacenan e transportan os mariscos e outras delicias do mar.... e tivemos a oportunidade de degustar un xantar do máis mariño! Estaba boísimo, e nin nos percatamos de que estabamos a comer tanto peixe. 

O día foi moi bo, a zona de Cedeira é preciosa, e malia o frío, pasamos unha boa, aínda que curta,  xornada mariña! Agora toca seguir aprendendo sobre os Arroases , os sabores do mar e sobre todo, seguir aumentando o seu consumo na nosa dieta. 

                                     

Grazas aos colaboradores do Programa por este día! Esperámosvos no cole. 

ENTROIDO 2018. ALICIA NO PAÍS DAS MARABILLAS

ESTAMOS TODOS TOLOS AQUÍ.....  decía o Gato do País das Marabillas , e bo caso que lle fixemos, que despois duns cantos días aloucados de preparativos puidemos festexar o Entroido como se merece. 

Coellos, sombreros, soldados de cartas, reis, raíñas, gatos, cupcakes.... cobraron vida no Soño de Alicia para trasladarnos a pasada semana ao mismísimo PAÍS DAS MARABILLAS na nosa festa de Entroido para vivir un día de película. 

Nenos, nenas, mestres e familias disfrutamos dunha xornada colorida, animada e moi doce gracias a todos os postres que trouchedes ao cole. Moitas gracias pola vosa colaboración familias!

Agora, xa toca volver á rutina do colexio despois duns días de festa rachada, imaxinación e diversión carnavaleira, pero os nenos e nenas de Trabada somos afortunados que aínda nos queda un fin de semana de troula por diante co desfile do noso pobo. 

Carguemos moitos as pilas, que o tempo pasa voando e cando nos demos conta o trimestre rematou :  xa o advirte o coelliño branco, sempre apurado e ás présas ;) 

FELIZ FIN DE SEMANA DE ENTROIDO TRABADENSE!