SABOR DA AVENTURA ESTÁ NO MAR

A semana pasada recibimos a visita do Sabor da Aventura está  no mar e participamos nun dos seus obradoiros. 

Como xa coñecíamos o mundo mariño grazas á visita ao Porto de Cedeira, esta vez reforzamos coñecementos a cerca das técnicas de pesca e a conservación e preparación de peixes e mariscos e seguimos disfrutando dos Arroases e os seus superpoderes! 

Así mesmo, os máis pequen@s puideron reflexionar a cerca da contaminación mariña e a reciclaxe. 

Grazas pola xornada mariña! ;) 

DÍA DO CONSUMIDOR

O 15 de marzo conmemórase o DÍA DO CONSUMO, e no cole celebrámolo cunha visita ao Centro de Formación para o Consumo e cunha degustación de Comidas do mundo. 

En Vegadeo no Centro de Consumo, realizaron un taller sobre os recursos que podemos atopar nos nosos bosques, e a continuación un pequeno obradoiro de cociña con compra no supermecado e degustación incluídas. 

No colexio, coa viaxe culinaria puideron probar pratos de México, China, Italia e Francia. Algún tivo máis éxito que outro pero creemos que foi unha boa experiencia! :) 

EASTER EGGS!

A Pascua está próxima a chegar e con ela as vacacións!! 

🐣A nosa exposición de "Easter Eggs" xa está lista con todas as vosas obras de arte e está a quedar ben bonitiña!🐣

Moitas gracias a tod@s por participar nesta nova proposta! 

SEMANA DA PRENSA II

PERIOARTISTAS

Unha mostra das creacións plásticas realizadas durante a Semana da Prensa
Vaia collages e debuxos tan lindos fixeron con anacos de xornais! Reciclando na Arte!! 

 🎨

SEMANA DA PRENSA ESCOLAR

Estamos a celebrar a  Semana da Prensa na Escola e con ela puxemos en marcha o noso pequeno Quiosco. 

Os nenos e nenas poden disfrutar dos xornais e revistas da nosa terra así como daqueles máis internacionais, para enterarse tamén do que pasa no resto do mundo. 

Recordemos o papel fundamental que xogan os medios de comunicación no día a día, e a importancia de ser bos críticos ante a información que recibimos, pois non todo é sempre como no lo contan. 

Os nenos e nenas tamén están a traballar un pouquiño na prensa dixital, tan importante como a de papel  ou máis hoxe en día, así como a coñecer as diferentes canles polas que nos chegan as novas ( telexornais, radios, redes sociais, xornais, artigos de revistas... ) 

Sempre é un bo momento para adicarlle un anaco do día a ler ou escoitar as novidades actuais cos vosos pequen@s. 

O QUIOSCO DO CURRÁS

ALGÚNS DOS XORNAIS DISPOÑIBLES