DÍA DAS FAMILIAS 2018

Aquí unha mostra dos detalles que o noso alumnado elaborou o pasado Maio para agasallar no DÍA DA FAMILIA! :) 

Un mantel para almorzar con temática moi cinemátografica! Porque sodes UNHAS FAMILIAS DE CINE! 

VISITA Á GRANXA ESCOLA DE PEDROMURIAS

Venres de xornada ecolóxica na Granxa Escola Cfea Pedro Murias! 

Fixemos pan, semilleiros, prantamos na horta... aprendimos sobre as especies de vexetais e legumes autóctonas, visitamos a finca e o seu gando ecolóxico... 

Volvimos cheos de aprendizaxes para poñer en pràctica no cole. 

Grazas pola visita, o bo trato e a rica merendola coa que nos agasallachedes!

COIDEMOS OS NOSOS MONTES

O pasado xoves gozamos no colexio dunha xornada estupenda impartida polos axentes e bombeiros forestais do Distristo 6º da Mariña Lucense. 

Na xornada aprendimos sobre os nosos montes máis próximos, as especies vexetais e animais que neles nos podemos atopar, e sobre todo trataron de concienciarnos sobre a importancia de telos ben coidados, e de actuar de maneira beneficiosa para o medio ambiente, sen causar estragos na natureza, nin prender lume a este tesouro tan preciado. 

Ademais, a brigada ensinounos como efectúan o seu traballo, os seus instrumentos para apagar os lumes e puidemos comprobar en 1ª persoa en qué consiste a súa profesión. 

Foi unha xornada moi enriquecedora, aos nenos e nenas de Trabada encantounos! GRAZAS A TODA A BRIGADA! :)

CONCERTO DIDÁCTICO

A semana pasada, o alumnado de 4,5 e 6 tivemos a oportunidade de desfrutar dun concerto didáctico en Ribadeo: a música a través da Historia! 

Foi estupendo grazas á Escola de Música e Danza por convidarnos! :) 

SEMANA CELTA NO COMEDOR

Semana das Letras Galegas, para festexar o día das nosas letras: comida da nosa terra, productos galegos no comedor! 

Tostas, lacón, polbo, pementos de padrón, empanada de zamburiñas, arroz caldoso mariñeiro, queixo de Ulloa con marmelo, tarta de Santiago...