CHARLA ECOLOXÍA.

Aprendemos sobre Ecoloxía, afondamos nos nosos coñecementos Bio, e do coidado do planeta.🌍 O natural, sempre mellor. #naturcurrás

EDU EMPRENDE 2019

EduEmprende 2019. Visita do alumnado de 5 e 6 á cidade da cultura en Santiago para asistir ás xornadas de divulgación de proxectos de Formación Profesional de toda Galicia. Alí puidemos coñecer, e incluso experimentar proxectos de ramas tan variadas coma a hostalaría, a estética, a programación e a robótica, a mecánica, a rama sanitaria...#formaciónparaofuturo 

CHARLA NUTRICIONAL. PLAN XERMOLA

Plan Xermola: charla nutricional e consellos bucodentais para mellorar a nosa saúde e benestar!

Familias moi atentas a estes conselliños dos que adultos e nen@s temos moito que aprender! Incluso nos deixaron algunha receita saudable para as merendas por se alguén se quere animar a probar. 

NOVA ORNAMENTACIÓN NO PATIO

Humanizamos o patio asfaltado e coidamos as novas plantas ornamentais!  

LETRAS GALEGAS 2019. ANTÓN FRAGUAS

" Eu traballei sempre por e para Galicia (...) A miña modesta obra non é máis que un pequeniño gran de area no montón que foron facendo todos aqueles que, de moi distintas maneiras e cadaquén ó seu xeito, traballaron (...) sempre desinteresadamente, non máis que polo ben de Galicia. Por amor á nosa Terra"

O idioma é vida, o idioma é riqueza, o idioma é unión.
Porque non hai nada máis fermoso que poder gozar de lingua propia! O galego é a fórmula, e non hai mellor maneira de facelo funcionar que nas bocas dos máis pequen@s! 

Feliz día das nosas Letras, da nosa fala!
Aquí vos amosamos os traballos realizados e recunchos adicados ao homenaxeado ao longo do día de onte.

ASÍ VEMOS A ANTÓN FRAGUAS. As nosas caricaturas. 

Sementes de Coñecemento, coñecemos os beneficios das plantas 🌱
Libro elaborado con motivo das Letras Galegas dende a biblioteca.
Este ano, dentro da nosa temática NaturCurrás o alumnado, xunto coas súas familias, investigou sobre as propiedades medicinais e os usos de moitas plantas comúns.
Aquí unha mostriña dalgunha das fichas recollidas. Grazas pola axuda familias!

As palabras máis fermosas da nosa lingua. 
Porque somos nen@s morriñentos aos que nos encanta xogar, dar apertas, bicos, compartir sorrisos, bágoas, aloumiños, delicia e agarimo... E gozamos coa nosa terra que nos ofrece tantos agasallos: brancas folerpas, paisaxes de verdes toxos, xoaniñas e bolboretas fermosos luscofuscos... 

Grazas Galicia!