COMEZA O CURSO 2019/20!!

Benvid@s de novo! 

Xa estamos poñendo o novo curso en marcha... Este ano andaremos máis activos por outras redes sociais : facebook (Ceip Plurilingüe Celso Currás) e instagram (@ceipcelsocurras), así que se non queredes perder detalle do que acontece no colexio por alí nos debedes visitar 😊

Amosámosvos unha pequena pista de cal será o noso lema e o noso proxecto ao longo do curso. 

MASTER CHEF TRABADA 2019

Xornada MasterChef Trabada! 

Obradoiro de cociña cun menú ben refinado e delicioso que todos elaboramos e probamos con moito gusto!!! Moitas gracias a Jose pola súa colaboración e a Pilar a cociñeira por esta xornada tan especial.

INAGURACIÓN RESIDENCIA DE MAIORES

A pasada semana acudimos á Inauguración da Residencia de Maiores do noso pobo! Dá gusto ver como se xuntan as xeracións máis vellas coas máis novas do concello nun día moi importante para tod@s!!

PEQUENA EXHIBICIÓN AVES RAPACES

A Semana pasada con motivo da semana do Medio Ambiente e Grazas a oferta da Anpa tivemos xornada moi interesante coa visita de dúas aves rapaces : un halcón peregrino e un aguia de Harris .
Explicáronnos moitas cousas sobre o seu coidado, a lexislación que regula a súa posesión, a maneira de vivir destas aves, a importancia do respecto e do seu espazo de liberdade...

CHARLA DO MEL

Charla sobre a importancia das Abellas no planeta, os beneficios do seu producto estrela, o mel, e coñecemento das labores de Apicultura 🐝🐝

DÍA DO MEDIO AMBIENTE 2019

No Currás temos unha meta, coidar o noso planeta, e nada mellor para facelo que poñer en marcha (aínda que de maneira tardía por mor das obras) o noso horto ecolóxico. Foi unha xornada de traballo no exterior, acondicionamos a zona e plantamos novas verduras, hortalizas e plantas aromáticas.

Por un mundo no que se reduzan plásticos, polos nosos océanos.

O alumnado de infantil recrea unha fermosa maqueta do noso horto ecolóxico, facendo visible a importancia de consumir este tipo de productos, de cultivo propio e natural. Quedoulles ben fermoso! E o traballo valeu a pena pois resultaron gañadores do concurso Fai Eco do Lóxico!!Noraboa aos peques e a súa mestra!!! 

BYE BYE DECLAN! DESPEDIDA AUXILIAR CONVERSA 2018/19

O venres pasado foi un día cheo de emocións...despois de 8 meses con Nós, Declan o noso auxiliar de conversa finalizaba a súa estadía no cole e na nosa terriña!!!
Non podiamos deixar de agradecerlle todo o deu esforzo, dedicación e traballo ao longo de todo o curso, tanto profesorado como alumnado!
Foi un placer terte entre nós e estamos segur@s que xa deixache pegada nos coraconciños do Celso Currás!! ❤ Grazas pola túa implicación e facer chegar aos nen@s un aprendizaxe lúdica e unha visión tan boa do teu país!
Aquí serás ben recibido sempre, e só podemos desexarte moita sorte e todo o mellor para o teu camiño futuro 🍀
Thank you very much for everything, for your support, teaching and help! And specially for the beautiful byebye you made!

STAY HERE , IN TRABADA, PLEASE! 

https://www.facebook.com/ceipcelso.curras.5/videos/479534759471373/

XORNADA NA PRAIA, LIMPEZA E DEPORTES ACUÁTICOS.

Porque non hai Planeta B! O CAMBIO ESTÁ NAS NOSAS MANS!!! 🌍
#poñamosdemodacoidaromedioambiente

O pasado venres, aínda que o tempo non foi moi xeneroso con nós, achegamonos ata Foz para gozar da man de Maremasma, dentro da campaña Mares de Cultura, dunha xornada de aprendizaxe sobre o mundo mariño, concienciación do seu coidado e das nosas praias e divertirmos tamén practicando deportes acuáticos como paddle surf e kayak!!!
Malia que o sol non lucira moito divertímonos e aprendimos un montón tanto colaborando na limpeza da praia da Rapadoira, como practicando deportes nas augas de Porto Chico.


Nós xa o temos un pouquiño máis claro, se queremos ter os mares, fauna e praias fermosas que temos, debemos achegar o noso gran de area e eliminar os plásticos e lixo dos nosos areais e vós??

Moitas grazas aos monitores de Maremasma, pola xornada e polo trato recibido! Foi un placer.

O HORTO COMEZA A COLLER FORMA

E por fin, aínda que o curso está chegando case ao seu fin, tras as obras, puidemos acceder ao horto!!!
Está a quedar ben xeitosiño, temos que agradecer aos operarios do Concello de Trabada que traballaron arreo estes días para axudar a despexar e acondicionar a zona!
Despois de todo o ano, hoxe o alumnado de infantil plantou albahaca e hierbabuena na cuba das aromáticas para ,canda menos, volver a darlle xeito tras o abandono forzoso! Ademais, puidemos probar algún rico amorodo que nos atopamos agochadiño.
Mirade que bonita está a quedar a zona e que fermoso luce co noso cartel!! Poñerémonos mans a obra para que NaturCurrás dea fruto cara o vindeiro curso!

PONLLE AS PILAS AO TEU BOCATA.

No Celso Currás Alimentámonos Ben: Obradoiro Ponlle as Pilas ao teu bocata. O alumnado aprende a comer variado :) 

CHARLA ECOLOXÍA.

Aprendemos sobre Ecoloxía, afondamos nos nosos coñecementos Bio, e do coidado do planeta.🌍 O natural, sempre mellor. #naturcurrás

EDU EMPRENDE 2019

EduEmprende 2019. Visita do alumnado de 5 e 6 á cidade da cultura en Santiago para asistir ás xornadas de divulgación de proxectos de Formación Profesional de toda Galicia. Alí puidemos coñecer, e incluso experimentar proxectos de ramas tan variadas coma a hostalaría, a estética, a programación e a robótica, a mecánica, a rama sanitaria...#formaciónparaofuturo